ആദ്യമായി നക്ഷത്രമരം കാണുന്നത്
ഊൺമേശയിൽ ആണ്, അവളുടെ
ആദ്യശമ്പളം അനാഥർക്കു വിളമ്പുമ്പോൾ ......
ട്യൂഷൻ എടുക്കുന്നതിൻറെ പ്രതിഫലമായി
വാങ്ങിയിരുന്ന നാരങ്ങാ മിട്ടായി ഇട്ടാണ്
അവളതിനെ ദിവസവും പോറ്റിയത് ....
സ്വന്തം കയ്യാലെ ഉണ്ണിയപ്പമുണ്ടാക്കി
തൊട്ടപ്പുറത്തെ അംഗൻവാടിയിൽ കൊടുത്ത്
അവൾ അതിനു തൈകൾ ഉണ്ടാക്കിയെടുത്തു....
ഞാൻ ചോദിച്ചു വാങ്ങിയ തൈകളൊന്നും
പച്ച പിടിച്ചില്ല...
ഒടുവിൽ ഇന്ന് ആശുപത്രിക്കിടക്കയിൽ,
സന്ദേഹങ്ങൾ ഒഴിഞ്ഞ ഒരു ചിരിയിൽ നട്ടുവെച്ച,
ഭാരമൊഴിഞ്ഞ ഒരു കുഞ്ഞു തൈ എനിക്കും...
........................നകഷത്രമരത്തൈ .................................
Kidu
ReplyDeletePinnalla
ReplyDelete