തുറന്നു പറച്ചിലുകൾ അടക്കം പറയുമ്പോൾ ...

കുറെ കാലമായി  ഞാൻ മിണ്ടാറേയില്ല,
എന്നോട്...
അറിയാതെങ്ങാനും പറഞ്ഞു പോയാലോ ,
എന്നെ...

കുറെ കാലമായി ഞാൻ വായിക്കാറേയില്ല
നിന്നെ...
ഞാനൊരു കള്ളമാണെന്ന് ഏതെങ്കിലും
പേജിന്റെ മറവിലുണ്ടെങ്കിലോ...

കുറെ കാലമായി ഞാൻ സെൻസർ ചെയ്യാറില്ല ,
സ്വപ്‌നങ്ങളെ...
ഇനി ചിലപ്പോ നിന്‍റെ ഫെസ്റ്റിവലിലേയ്ക് ക്ഷണം കിട്ടിയാലോ...

കുറെ കാലമായി ഞാൻ കേൾക്കാറേയില്ല ,
ഇന്നലെകളെ...
നിഷ്കളങ്കത ഒരു കടങ്കഥ ആണെന്ന്,
പറഞ്ഞു കളഞ്ഞാലോ...