ഒറ്റക്കണ്ണിൽ ഉറങ്ങുന്നവൻ

 മകരത്തിലും പുതപ്പു പുതക്കാറില്ല , ഉറങ്ങിയെങ്ങാനും പോയാലോ !

കസേരയിൽ ചാഞ്ഞൊന്നിരിക്കാറില്ല, തണ്ടാണെന്നു കരുതിയാലോ !

തെളിഞ്ഞൊന്നു ചിരിക്കാറില്ല , സന്തോഷമാണെന്നു ധരിച്ചാലോ ! 

ഇഷ്ടമുള്ളത് കഴിക്കാറില്ല , ആരേലും കണക്കു പറഞ്ഞാലോ !

കൂട്ടുകാരെന്ന ലിസ്റ്റ്‌ നിലവിലില്ല , വിശ്വാസം കളഞ്ഞു പോയാലോ !

അമ്മയെ വിളിക്കാറില്ല , അറിയാതെങ്ങാനും കരഞ്ഞു പോയാലോ !

ഒറ്റയ്ക്കിരിക്കാറുണ്ട് , കുറച്ചു സമയം മരിച്ചിട്ട് പിന്നെ എണീറ്റോടും !!!