പണ്ടെന്നോ ഉച്ചക്കൊന്നുറങ്ങിയതാണ്
ജന്മാന്തരങ്ങൾക്കു മുൻപ്
അതിന്റെ കയ്പ് മാഞ്ഞില്ല ഇന്നും !
പണ്ടെന്നോ ഉണ്ട പത്രമൊന്നു വെച്ച് പോയി
ജന്മാന്തരങ്ങൾക്കു മുൻപ്
അതിന്റെ തീ കെട്ടിട്ടില്ല ഇന്നും !
പണ്ടെന്നോ അലക്കാൻ വൈകിയതാണ്
ജന്മാന്തരങ്ങൾക്കു മുൻപ്
അതിന്റെ ഒന്നും ഉണങ്ങിയിട്ടില്ല ഇന്നും !
പണ്ടെന്നോ നിറഞ്ഞൊന്നു ചിരിച്ചതാണ്
ജന്മാന്തരങ്ങൾക്കു മുൻപ്
അതിന്റെ ഓർമ്മ പോലും ഓർമ്മയാണ് ഇന്ന്
No comments:
Post a Comment